陳豪前晚擔任「完美情人選舉」的評判，他透露心目中的夢中情人是鍾楚紅，但絕口不肯提緋聞女友陳慧珊。是晚比賽由印尼籍的Wenny勝出，怕醜的陳豪卻不肯吻賀對方，只肯送她一個飛吻。

由羅浮宮婚紗主辦的「完美情人選舉」，前晚在中環Queen'sBar&Disco舉行，總共有十八位靚女參選，由型男陳豪擔任評判，最後由印尼籍的WennyWen勝出。

起哄即時臉紅
頒獎時，在場的人紛紛起哄要陳豪吻賀完美情人Wenny，怕醜的陳豪即時臉紅，最多只肯給對方一個飛吻。
陳豪表示自己的夢中情人要靚、合眼緣和有自信，記者問是否要似陳慧珊？陳豪即說：「你哋唔好成日搞人啦，又拉埋嚟講，我哋係朋友咋！」陳豪透露自小已喜歡鍾楚紅，他說：「由我識性開始，我就鍾意鍾楚紅，我最鍾意睇《秋天的童話》，我覺得偶像見吓無妨，但唔可以咁近距離接觸，佢結婚之後我喺街見過佢一次，係肥咗少少，但重好靚。我覺得偶像唔應該同fans太接近，所以我只會同fans玩ICQ，但就唔會講電話。」
陳豪因拍攝清裝劇而將會剃頭，他透露最近接了不少廣告，所以要趁剃頭前盡快開拍，他更笑稱希望剃頭後亦可以接到廣告。

韓君婷扮少女
另外，韓君婷前晚亦有亮相，她透露剛接了一套電影，而且是做第一女主角，酬勞有六位數字。她說：「我喺戲入面做一個二十歲嘅有錢少女，要我扮番二十歲，都係一個大挑戰。」
採訪：林妙萍攝影：甄朝健