高圓圓同台灣女藝人賈靜雯因02年合作《倚天屠龍記》而成為好朋友，今日就係44歲嘅賈靜雯，同細佢9年嘅型男修杰楷喺峇里補辦婚禮嘅大日子，佢哋好多圈中好友好似陳意涵、曾國城等等，亦有飛去當地出席婚禮。

不過，賈靜雯嘅好姊妹高圓圓，卻因為護照過期而去唔到峇里出席好姊妹婚禮嘅高圓圓，今日就喺微博出post祝福佢呢個識咗16年嘅好姊妹。「最最最愛的靜雯同學，雖然不能在現場，但是可以想像到你穿婚紗美美的樣子。你的堅韌你的愛你的義氣你的付出，你值得擁有這世上所有的幸福。祝福最最最美的新娘子賈靜雯同學和修杰楷幸福永遠。最最最愛你的圓圓同學」。

除咗上網送祝褔外，據知高圓圓老公趙又廷，亦已經去到賈靜雯婚禮婚現場，而佢仲笑言幫老婆帶咗利是嚟送畀一對新人。

Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票

精選娛聞，喺晒《娛果》
http://fb.com/appledailyent