韓君婷前晚出席Austria's Next Top Model在新蒲崗舉行煞科派對，同場還有呂晶晶、何佩瑜（Jeana）、顏子菲和張家瑩等，名模馬詩慧和老公王敏德就擔任今次catwalk評判。韓君婷自回流返港後，兩個月前曾出席公開活動，當時她面目全非，有指她整容變臉，韓君婷都予以否認，她指多年前在新加坡不慎滑倒，導致鼻骨變形，之後因無錢做手術而變成鼻陷。
亞姐冠軍韓君婷當年艷壓全場，如今意外受傷破相，令人惋惜，她前晚接受記者訪問時，表示三個月後將接受整型手術，誓要回復當年的美貌，她說：「要再等三個月，先可以動工做手術，創傷咗要等啲軟組織好番，先可以再做手術，到時會有修改，整番原本個樣已經好滿足，一路睇慣自己個樣，整得唔同會唔習慣。」

同場的顏子菲打扮性感，穿吊帶裙谷人造胸上陣，大晒33C上圍，而另一搶鏡的呂晶晶，則穿黑色透視裙，黑bra和內褲若隱若現，呂晶晶說：「揀咗好耐，想大家睇到啲嘢，打燈睇到有啲嘢好啲。𠵱家學緊打拳，拍緊鄧特希做監製、主攻日本市場嘅時裝劇集，希望大家睇到我打拳個成果。」她又透露該劇名叫《隱世者們》，自己主演特工，將有少少性感造型，着皮褲顯到身體曲線。

最近有報道指諸葛紫岐過瘦疑患抑鬱，其好友呂晶晶說：「可能壓力嚟自工作，可能一腳踢要做好多嘢，負責第一套電影，都要捱，噚日佢同囝囝嚟，都食咗兩碗飯，我反而冇佢食極唔肥嘅身形。」而評判馬詩慧就覺得模特兒最緊要夠型格：「基本身高身材一定要有，最緊要有型。」
採訪：卓寶花
攝影：陳俊強