照顧一個小朋友已經辛苦，更何況四個？林盛斌（Bob）日前做完通波仔手術，子女開學全靠Bob嫂黃乙頤（Pearl）。日前《蘋果》到訪Bob位於旺角的豪宅做訪問，一入屋已見到10歲的霏兒（Faye）、6歲的熹兒（Haye）及3歲的機兒（Kaye）跑來跑去，至於剛滿1歲的弟弟道申（Jaye）就睡覺。
大女Faye說：「暑期作業大部份喺學校做晒，比較難嗰啲，之前去到加拿大先做。」原來Bob一家早前到加拿大一個月放暑假，讓女兒參加Rocket Camp，學習基本火箭製作過程。Pearl說：「冇額外畀練習佢哋做，向來唔想畀仔女太大壓力，只要唔係最差嗰個就OK。不過大家姐今年讀小五，要考呈分試，都要逐步增加練習。」

不少藝人子女都選擇直資或私立學校，Bob的子女卻入讀傳統學校，Pearl解釋說：「我哋都係傳統學校出嚟，紀律會嚴謹啲，想佢哋學好基本嘅中文同普通話，如果想佢哋英文好啲就再畀啲courses佢哋上，等佢哋大啲先再作其他選擇。」Pearl早前推出一本《學生仔手冊》講湊子女苦樂，Pearl最希望小朋友學懂珍惜：「通常妹妹都會跟埋家姐讀同一間學校，但我都要二妹同三妹去考入學試，我每次都報考七、八間，等佢哋知道讀書係要過五關斬六將。」
採訪：嵐山
攝影：林賓尼