劉德華「阿虎」上身拳拳到肉 特訓場面挑戰體能極限
蘋果日報 2020/12/25 18:52
嫌疑犯劉德華登六
劉德華和劉青雲主演的電影《拆彈專家2》原定安排在聖誕檔期上映，不過因為第四波疫情，政府宣佈再次關閉娛樂場所，結果今年聖誕不可以入戲院睇戲，只可以在大陸如期上映。
今次華仔在片中由拆彈專家淪為頭號嫌疑犯，本身已經有不少被追捕的動作戲，華仔還加插了一系列做Gym、訓練體能等特訓場面，雖然因華仔2017年在泰國拍廣告墮馬受傷令盆骨撕裂，要由醫療專機送返香港，不過明年「登六」的他依然「瞓身」演出，所有動作鏡頭都親自上陣，甚至連試戲亦不假手於人，這一系列特訓場面，包括跳繩、打拳、抬車胎、戰繩訓練等鏡頭，可算是挑戰體能極限。
當中打拳一幕，華仔更「阿虎」上身，重擊拳拳到肉，華仔越拍越精神，就算大汗叠細汗都「唔覺得攰」，事後華仔表示平時自己甚少做gym，因為不想太大隻，而他主力做帶氧運動，他笑言年輕時甚麼運動都玩，不過自從受傷後，他玩所有運動都不敢去得太盡，而在云云的動作鏡頭中，華仔指抬車軚較為吃力，始終巨型的車軚重量十足。
華仔在戲中「阿虎」上身。
明年華仔登六，不過他的體能依然很fit！
華仔在片中由拆彈專家淪落為頭號嫌疑犯。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！