講起台灣特產，一定要提大大雞排妹，講起雞排妹，又一定要提大大雞排胸，但其實唔係每個人都受落o架。最近就有一個老翻雞排妹---「G排妹」拍片擺上網，寸爆雞排妹當眾脫罩。

早排雞排妹喺大腸花論壇，眾目睽睽下脫阿婆Bra，仲叫在場嘅人一邊嗌住「乾」字，佢一邊脫，引死晒在場男士。於是「G排妹」有樣學樣，帶住口罩，拍片擺上網扮雞排妹脫阿婆Bra，又係叫人一邊嗌住「乾」字一邊脫，一樣有板有眼有神髓。

其實之前都有人扮過雞排妹，但就扮得麻麻哋，今次「G排妹」扮得算唔錯，但都有美中不足，就係佢心口嗰條事業線係用Marker畫上去o架囉！