荃灣新盤全．城滙重售4伙撻定戶反應超乎想像，發展商原訂以先到先得形式賣樓，亦隨即改為抽籤。現場所見輪候人士老中青都有，有年輕人士坦言今早是「射波」到場而婉拒上鏡。

今早9時到場的李太，目標是全．城滙唯一一伙折實600萬元內兩房戶，眼見群情洶湧，買到樓的機會甚低，李太亦自嘲是「發吓夢」，但仍然會等到無機會為止。被問到何解要堅持買全．城滙，李太話二手樓畀人住過，而發展商按揭吸引、價錢抵所以想買黎換樓，首兩輪都有入票。

方太同樣被600萬內兩房單位吸引，想買來與子女同住，覺得價錢合適，以前買樓未經歷過咁嘅情況，「黎到先知咁多人」，仲要自己搵凳仔坐。

記者：陳東陽

蘋果財經，關心你飯碗
http://fb.com/appledailyatm