【狗仔出更】黃昏戀開花結果 陳榮峻吳香倫去酒店密斟

蘋果日報 2018/06/20 00:00

跪地求婚陳榮峻吳香倫
    62歲嘅陳榮峻（原名陳榮基）舊年年底喺無綫盆菜宴上，當眾向拍拖3年嘅58歲女友吳香倫跪地求婚，「黃昏戀」修成正果。一對新人嘅婚期定咗喺下個月10日，佢哋會喺中環一間教堂行禮，之後喺九龍灣一間酒樓筳開30席宴請親友。（新聞連結： https://bit.ly/2xCV3Hy）
    峻哥喺訪問曾經講過，因為女友吳香倫去咗橫店拍劇，雖然佢本身要開工，不過籌備婚禮嘅工作係由佢負責，早前女友已經返港，於是佢哋即刻爭取時間籌備婚禮。日前《蘋果》喺尖沙嘴見到呢對準新人，最初見到峻哥同女友喺尖東用Google map周圍搵地方，佢哋企喺條街等咗好耐，先至行去一間酒店，入到coffee shop之後，佢哋兩個坐低電撳電話，似乎係約咗嘆tea。
    過咗冇耐，見到黑妹姐（李麗霞）現身，見吳香倫同黑妹姐兩個人雞啄唔斷，似乎係傾緊婚禮嘅事，峻哥全程坐喺側邊聽佢哋講嘢。大約咗1個鐘左右，佢哋埋單離開，臨走前峻哥同女友先送黑妹姐上7人車，之後兩人先離開，不過其間又係拎住電話，但係峻哥全程眉頭皺，擾攘一輪先離開酒店。
    精選娛聞，喺晒《娛果》
    http://fb.com/appledailyent
    empty
    （攝影：孔志豪、畢紹基、徐錦池）
    empty
    62歲嘅陳榮峻舊年年底求婚成功，「黃昏戀」修成正果。
    empty
    日前《蘋果》喺尖沙嘴見到呢對準新人，最初見到峻哥同女友喺尖東用Google map周圍搵地方。
    empty
    佢哋企喺條街等咗好耐，先至行去一間酒店
    empty
    峻哥喺訪問曾經講過，婚禮會一切從簡。
    empty
    過咗冇耐，見到黑妹姐（李麗霞）現身，見吳香倫同黑妹姐兩個人雞啄唔斷。
    empty
    峻哥全程坐喺側邊聽佢哋講嘢，似乎係傾緊婚禮嘅事。