今時今日仲以為政治唔關自己事？太天真喇。「港版國安法」殺到埋身，大家身邊仲有親朋戚友以為唔鬧黨、唔批評領導就可以置身事外，不妨叫佢哋睇吓民主黨尹兆堅最近推出嘅一系列橫額，就明白國安法下，乜嘢都可以係犯罪。

阿尹喺新界西多區包括荃灣、葵青、屯門、元朗、東涌等，掛咗好多款大陸國安法案例嘅橫額，包括為農民、法輪功、基督徒打官司嘅維權律師王全璋、追查豆腐渣工程嘅譚作人、揭露愛滋病情況嘅胡佳、只係講過一句「任何人不悔改就必定滅亡」嘅牧師王怡，當然仲有發表《08憲章》、要求依法治國嘅諾貝爾和平獎得主劉曉波。

以上嘅人唔係被控顛覆國家政權罪成，就係被控煽動顛覆國家政權罪成。阿尹話，佢係有感近排中共打手如人大常委譚耀宗、基本法委員會副主任譚惠珠等，經常話《國安法》只係針對少數人，又確實有市民慘被誤導，以為唔搞政治就冇事，所以推出呢系列警世橫額，希望提醒一下大家。

-----------------------------
蘋果25年系列ebook《讀果》上架：紀實現場 、世界前線 、逆權之路 、叱吒風雲 、守護真相
-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多