由馬東石、宋智孝主演嘅韓片《憤怒的公牛》將於下周四喺韓國上映，男主角馬東石今日就喺首爾三清洞的一家咖啡店接受韓媒訪問。

身形十分大隻嘅馬東石自爆平日如果搵到適合自己嘅恤衫就會一次過買10件一模一樣嘅衫，而佢本身對衣服嘅興趣亦唔大，又笑言：「好似蝙蝠俠一樣着同樣嘅衣服。」而2012時佢同金賽綸合作《鄰居》，當時金賽綸話喺生活中見到嘅人最大隻就係馬東石，馬東石話當時拍《鄰居》時減咗好多肉，佢話因為之前拍戲累積唔少舊傷，兩側肩膀同脊椎上都鑲嵌着螺絲，減肥後呢啲部位就會出現過度疲勞，同時馬東石話佢平均體重120kg(約264磅)，但有時拍戲就要減肥，之前拍戲就減咗30kg(約66磅)，佢透露現時體重只有90kg(約198磅)，只有100kg(約220磅)以上，佢身體先覺得舒服。

現年47歲嘅馬東石前年認戀年輕17年嘅索爆女友芮正花，喺訪問中馬東石就談及女友，仲話：「實際上我嘅心情同《憤怒的公牛》中嘅男主角一樣，爲了守護妻子，就會不惜一切，我好像也是純情嘅男人。」

更多韓流，喺晒《娛果》
http://fb.com/appledailyent