【本報訊】TVB（電視廣播、511）收購戰最終因傳奇集團「縮沙」而暫告一段落，但在傳奇「打開口牌」加上TVB加價回購，TVB股價不足兩個月已累升25%。
市場上早有質疑，傳奇突然殺出收購，有操控股價、托市之嫌，新鴻基金融財富管理策略師溫傑認為，如今傳奇「縮沙」，更令人不禁進一步聯想起該陰謀論的說法。

撤回理由牽強

溫傑指，難以理解傳奇以可能派特別息為由撤回收購，「如果派咗息，咪照扣返出嚟，應該係調整出價而唔係縮沙」，認為傳奇的理由十分牽強。有市場人士早前指出，市場上不少老牌大戶及基金於40至50多元時買入TVB股票，「坐艇多時」，不排除有人因不滿回購價過低，人為拉高股價散貨或令TVB提高回購價，促證監介入調查。溫傑指，現時傳奇的做法依足規定，的確有權取消收購，就算證監會有懷疑亦「做到唔多」。
傳奇提出收購後，TVB股價一度急升，其後TVB更提高回購價15%，對於有指涉及合謀托價或造市，周藝強表示，「唔明白點解會有咁講法，第二係呢樣嘢好似係犯法㗎，我哋唔會做呢啲嘢。」