奧斯卡過兩日就舉行，負責頒獎嘅荷李活影星安琪蓮娜祖莉（AngelinaJolie）今日已經到咗頒獎典禮舉行場地進行綵排，佢只係着便服出席。

綵排完後，佢留低同奧斯卡頒獎禮嘅監製聊天，仲向在場幫手嘅大學生介紹自己做「Angie」，真係好友善。安琪蓮娜同學生透露佢到真正式頒獎嗰日都會着平底鞋，咁就一定唔會仆親。同埋現場已經進行緊佈置工作，大型嘅金人已經安全運到場地喇。