八方問過Gary，佢笑笑口話舌戰事件係意外，事緣有個喺柯P辦公室做嘢嘅台灣朋友知道佢訪台，亦知佢好留意柯P動態，咪邀請佢出席呢個有柯P嘅座談會。本來都無意舉手講嘢，點知柯P講講吓又講到香港，然後主持人就話現場有位香港嘅參政人士，「結果在場嘅台灣記者隊啲咪畀我，叫我講幾句，咁我咪講吓」，其後先發現事件喺台灣好受關注，「十幾個新聞台都有報道」，仲有當地甚至新加坡傳媒約佢訪問。
雖然同柯P擦出火花，但佢話對柯P嘅印象唔係負面，「佢都係好直率咁講意見」，仲話柯P每本著作都睇過，亦好欣賞佢嘅選舉模式，多啲交流分享係好事。