前年，由於強叔與鄰里關係不和，獲調遷另一公屋單位，他把可用的物品都搬進新居繼續使用。惟朋友二手轉贈的石油氣煮食爐欠「GU」標誌，遭供應商拒絕安裝，他只好使用老舊的火水爐煮食。此外，他也欠缺熱水爐，最近天氣寒冷，他無奈使用電飯煲煲水洗澡。「啲水暖暖哋就算喇，唔要求得咁多。」他嘆氣說。
強叔年輕時與內地太太育有一子，後因性格不合離婚，兒子跟前妻在內地生活。他曾獲朋友幫助，在2006年遠遠見過兒子一面。「朋友約佢哋母子飲茶，我坐遠啲望吓囝囝，不過朋友話囝囝唔想認番我，我都冇辦法。」他幽幽地說。獨居的他平日則看電視和逛商場解悶，「部電視係蘋果基金送嘅，我好錫住用㗎，用咗六年都仲咁清」。
蘋果基金已從「家居援助專戶」撥款約2,800元為強叔購置電熱水爐和多功能電磁爐，讓他冬日添溫暖。
「強叔」捐款編號：C1350
網上捐款： http://charity.appledaily.com.hk/donate