林家棟、吳千語及丘凱敏等今日去到銅鑼灣出席nowTV節目《女皇駕到III》記者會。

噚日荷李活電影《變形金剛4》喺香港拍攝時疑被勒索收陀地，對此家棟話：「我笑咗出嚟，幾out，2013年啦，近呢五年都冇聽過，依家係智慧型犯罪，佢哋好土炮好惡霸。」咁會唔會驚影響香港形象？家棟笑言：「拍電影都係講質感同個景啱，如果啱嘅都會再嚟，導演都唔係好傷，可能心靈受傷。」噚晚陳豪陳茵媺合體出席活動即收百萬酬勞，千語BB就抗拒同男友林峯情侶檔工作。

now獲免費電視牌照，問丘凱敏節目會唔會喺免費台播出？她說：「未知，不過都想多啲人睇到。」曾經效力無綫嘅佢更暗寸舊東家：「以前照本子辦事，唔會講自己意見，但依家唔同，節目質素好緊要。」