【曾任職警界】陳欣健開騷重提寶生銀行劫案：英雄唔係我

蘋果日報 2017/12/27 14:38

劫案演唱會陳欣記寶生銀行
    陳欣健噚晚喺旺角麥花臣場館舉行演唱會，唱完一輪歌，就梗係要講幾句抖吓，Philip講到上一輩好熟悉嘅74年寶生銀行劫案，當時仲係差佬Philip話要爆料：「我當時係代表警方同傳媒溝通傳話，衝入銀行嗰個唔係我，係一個政治部嘅神槍手，當人質走出嚟時候，神槍手有啲猶疑，一個高級外籍警官就一腳踢埋去，問做咩仲企喺度，快啲入去，所以當年嗰個英雄唔係我。」
    去到中場，許冠文(Michael)上台，原來Philip當年放棄11年警界工作，加入娛樂圈，就係問Michael意見，Michael講出唔讚成佢做警司嘅原因：「佢多情、心軟、浪漫，捉賊可能俾個賊講多兩講就放人，靚少少嘅就娶埋人做老婆，咁點當差。」之後佢哋合唱《鐵塔凌雲》，繼而再有劉天蘭同電影《反黑》嘅演員上台。Philip再話要請自己其中一位情人上台合唱，原來係佢個細女陳早怡，二人合唱《Unforgettable》。
    Philip又話要爆多次料：「我一生嘅緋聞係假嘅，兩年前同班朋友去蘭桂坊，俾人影到拖住兩個女性朋友。」跟住佢請埋當晚有去飲嘢嘅朋友上台，包括一對夫婦，一個男會計師，同一個女性友人，四個人上台，Philip繼續講：「當晚飲完酒出嚟，個人夫發覺截唔到的士，就拎咗張1000蚊出嚟，有個的士司機問係咪放蛇，兩個男人想同的士司機有口角，兩個女人想去勸交時，我就左右手拉停兩個女士，就係咁俾人影到，但張相就cut走咗人夫，得我拉住兩個女人。」
    更多娛聞，喺晒《娛果》
    http://fb.com/appledailyent
    empty
    陳欣健自爆當年寶生銀行劫案時，話自己並唔係英雄。(攝影：林賓尼/電視截圖(右))
    empty
    曾任職警界嘅陳欣健，演唱會上，重提當年有份負責嘅寶生銀行劫案。
    empty
    演唱會上，仲播放當年嘅訪門片段。
    empty
    陳欣健話當年放棄做警司，有問過許冠文意見。
    empty
    會上仲播放咗好多陳欣健同藝人嘅合照。
    empty
    empty
    empty