今日特首林鄭月娥就《逃犯條例》修訂宣佈暫緩，而身在外地的邵仲衡（大佬孝），連日來都有留意香港的事態發展，《蘋果》今日聯絡邵仲衡，他表示有收看特首林鄭召開的記者會，對於林鄭宣佈暫緩，他在電話中表示︰「我個人認為係收貨，但建議佢多啲返大陸了解下國情。」

對於暫緩修例，孝哥表示︰「我係收貨，政府佢哋係有準則，大家退而求其次，攞個中間點。」對於明天他會否上街，他說︰「我而家要上飛機，明天返到嚟夜晚要去開工。我覺得大家都係想有個自由、安居樂業嘅地方生活，因為條例影響會唔安居，所以大家先咁大反應。」

而6.12林鄭定性為暴動，會否要求放生被拉的學生及示威人士？孝哥對此表示︰「佢哋有冇做錯呢？大家心知肚明，因為會影響佢哋一生。睇番周日103萬人上街之後，立法會主席梁君彥仲話要恢復二讀開會，佢真係亂講嘢冇智慧，簡直火上加油，觸發6.12包圍立法會。」

至於外界有很多聲音要求林鄭下台，孝哥有其見解，他說︰「我個人認為唔使佢下台，但佢要多啲了解國情。以我多年喺大陸打滾嘅經驗，上面啲人嘅思維同我哋唔同，呢個人話ok，唔代表另一班人都ok。佢畢完業就去做嘢，入去打政府工，根本冇去大陸了解吓，就算佢而家去大陸，只係走馬看花。佢應該睇多啲歷史書，多啲認識中國，呢啲唔到你認叻。」

另外，吳啟明都支持反送中惡法，他上環的食肆612都有響應罷巿休業一天，並在門外貼上「愛國愛港，支持反修例」。不過特首林鄭月娥有見反對聲音不絕，她今日開記者會時宣佈會暫緩修例，吳啟明今日回覆《蘋果》時說：「現在已經宣佈不會通過修例，我任務已經完成。我並不參與政治活動。」不過林鄭所言是「暫緩」，並非「撤回」，吳啟明說：「不執行，冇時間表，就是無限期擱置，等於當年的二十三條。」

民陣6.16反惡法遊行
日期：6月16日（日）
集合地點：維園草地
時間：下午2時30分集合、3時正起步
遊行路線：維園至金鐘添美道立法會

民陣6.17三罷集會
日期：6月17日（星期一）
集會地點：立法會外集會
（資料來源：民陣）

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多