汪明荃同羅家英1988年開始拍拖，羅家英多次公開求婚均被拒，拍拖廿年，60歲後才結束愛情長跑，2009年同羅家英忽然喺美國拉斯維加斯秘密註冊，當年羅家英患肝癌，汪阿姐悉心照顧，2013年羅家英又病發，汪阿姐更請假一年，全心陪住老公，而汪阿姐先後喺1994年及2002年患上甲狀腺癌和乳癌，幸及早發現，期間二人互相扶持(新聞連結： http://bit.ly/2pQ2V39 )。

阿姐近日接受商台節目《一圈圈》訪問，被問係唔係因為羅家英04年發現患上肝癌有關，阿姐就話同呢件事無關，阿姐只係佢哋二人有共識：「覺得一張婚紙重要，中國人傳統也需要名份，他亦是傳統男人的。」

阿姐又大爆當年羅家英抗癌嗰陣，主動向他提出：「我話：『不如等我照顧你啦！』又不是我求婚的，見他咁慘，哈哈！」當年羅家英肝癌手術亦令阿姐好擔心，「那時不知道手術那麼大，都割了(肝)很多有7吋啊！都驚失去他，始終大家行了那麼久，都是一家人來的。」

阿姐坦言與羅家英嘅關係亦影響到阿姐對人生睇法，「他就『他條』點，我就比較緊張，所以有時都考慮下他的生活看法：有時都是想達到目的，中間不用給到自己這麼大壓力，可以開心地做。」