根據信置同信和酒店2011至2013年年報,兩間公司每年舉行4次董事局常規會議,黃楚標嘅出席率係零。
黃楚標身兼信置審核委員會成員,亦冇開會。2間公司、3個年度合共43.4萬元董事袍金,黃楚標就咁輕鬆袋走了。
黃志祥曾經喺年報話過,「黃先生的淵博學養及豐富經驗定會為集團帶來莫大裨益」,相信小股東一定想知道呢位冇開會嘅獨董過去幾年有乜貢獻,話唔定佢冇開會箒,私底下畀咗好多意見黃志祥都未定。
不過,上市規則《企業管治守則》寫明,獨董同所有非執董一樣,應定期出席董事會同委員會會議。而且,每位董事應確保有足夠時間同精神處理上市公司嘅事務,否則就唔好應承做獨董。
黃楚標在港只係做呢兩間上市公司董事,佢跟黃志祥同樣係香港友好協進會董事。呢個會其他董事全部都係城中政商界知名人士,佢哋近日咪有代表團去北京見港澳辨主任王光亞囉。
李華華
mailto:
[email protected]