【乳神現真身】小池榮子街邊拍劇 玩交友app來港尋愛
小池榮子吉澤亮馬場富美加戀上香港
小池榮子夥拍小鮮肉吉澤亮新劇《戀上香港》於下月開播。
【新增圖片】日本TBS電視台起用36歲巨乳女星小池榮子擔正嘅全新短劇《戀上香港》安排10月播出,拍攝大隊本周已陸續殺到,展開為期10天嘅取景行程。
小池榮子今次扮演從日本來港嘅尋愛單身女子,佢從交友app識一名男性後相約在香港見面,繼而在港巧遇擔任電視台導演嘅吉澤亮,譜出一段姐弟戀。今日,電視台就公開小池榮子同吉澤亮喺街頭嘅拍攝花絮,同劇仲有巨乳索女馬場富美加、人氣組合電波組.inc前成員最上Moga、偶像男團MAG!C☆PRINCE成員永田薰等,全劇共4集戲份都會於香港拍攝。
至於馬場富美加今日下午都有公開日前在港取景花絮,見佢到咗位於中環嘅香港海事博物館,仲喺中環碼頭嘅巨人鯊魚口前面拍照留念。
馬場富美加已飛返日本,今日佢公開日前於中環嘅照片。