中環在線：
羅啟瑞子、女、婿同場勁搶fo - 李華華
蘋果日報 2018/06/26 05:20
中環在線寶瑋Jason Magnus俊桸
羅寶瑋及其首次曝光嘅老公Jason、羅俊桸齊齊現身，相當搶鏡。
鷹君（041）羅老太嘅孻仔啟瑞有位靚囡囡寶瑋（Natalie），有留意鷹君案嘅讀者應該唔陌生，但原來Natalie高大威猛嘅老公Jason Magnus都大有來頭，佢係長和（001）非執董麥理思（George Magnus）嘅囝囝，家陣從事緊物業投資及發展。
話說上周六啟瑞贊助咗一個圍繞「孝」字嘅徵文比賽，唔單止羅老太同啟瑞有出席，仲有啟瑞嘅孻仔俊桸（Curtis）、Natalie、同埋首次曝光嘅老公Jason，都一齊支持啟瑞去搞呢個活動。
話說上周六啟瑞贊助咗一個圍繞「孝」字嘅徵文比賽，唔單止羅老太同啟瑞有出席，仲有啟瑞嘅孻仔俊桸（Curtis）、Natalie、同埋首次曝光嘅老公Jason，都一齊支持啟瑞去搞呢個活動。
「親家」係昔日誠哥左右手
Jason老竇麥理思係當年超人李嘉誠嘅左右手，1980年已經做長實與和黃董事，2005年退休後轉任非執董，長實與和黃合併後就做長和非執董。
Jason就喺哈佛大學讀東亞研究，2001年畢業後喺內地發展，試過從事電影音樂原聲製作，之後成立公司，喺北京搞音樂節。近年佢做金融業，幫吓屋企手，自己亦有間公司做物業投資。
至於啟瑞孻仔Curtis原來仲喺香港讀緊書，明年就會去海外讀大學，佢話自己想喺文學與哲學方面發展，又想同做動畫製作嘅阿哥羅俊哲（Justin）雙劍合璧，一個諗劇本，一個畫動畫。啟瑞全部仔女咁生性，老竇應該好安慰。
Jason就喺哈佛大學讀東亞研究，2001年畢業後喺內地發展，試過從事電影音樂原聲製作，之後成立公司，喺北京搞音樂節。近年佢做金融業，幫吓屋企手，自己亦有間公司做物業投資。
至於啟瑞孻仔Curtis原來仲喺香港讀緊書，明年就會去海外讀大學，佢話自己想喺文學與哲學方面發展，又想同做動畫製作嘅阿哥羅俊哲（Justin）雙劍合璧，一個諗劇本，一個畫動畫。啟瑞全部仔女咁生性，老竇應該好安慰。