由全智賢及車太鉉主演的經典韓片《我的野蠻女友》,事隔15年將被SBS翻拍成古裝劇集版,早前已確定男主角由《龍八夷》的周元擔任,今次亦會是他入伍前最後一部作品。女主角方面就有新搞作,劇組進行全國選角活動,選出10名候選人讓觀眾投票決定,當中女團少女時代(少時)成員Yuri的22歲表妹Vivian亦有份打入十強,消息一出立即引起關注,Vivian被睇好可挾表姐的人氣,勝出當新版野蠻女友。
古裝版《我的野蠻女友》採取先拍後播的模式,預計下月開拍,明年播出。由於首次有劇組以公投形式選拔女主角,故吸引不少藝人及練習生踴躍報名,劇組先從過千人中選出89名參加者進行第二輪篩選,而周元亦有份擔任第二輪篩選的評審。劇組憑韓服的合適度、古裝劇台詞的消化度、演技等方面,再從中選出10名候選人,並於昨日公開名單。名單中以少時Yuri的靚靚表妹、現任模特兒的Vivian最為人熟悉。Yuri早於Vivian當模特兒前已不時於Instagram公開表妹的靚相,之後又攜表妹現身節目,令Vivian未出道已儲落不少人氣,加上其標緻的五官及弗爆身材,即時成為雜誌的新寵,近日就孖實表姐拍攝靚相。論人氣,Vivian比其餘9名候選者絕對勝一籌,故有望於投票中勝出。