巴塞隆納喺歐聯4強大敗拜仁慕尼黑，其中一個焦點就係美斯完美K.O.拜仁後衛謝路美保定。被恥笑多時嘅保定，近日終於開腔講呢件事，仲話：「我都忍唔住笑自己。」

保定話：「嗰次仆低對我冇乜影響，我自己都有笑吓自己！當你跌低或者跣低，跟住畀人入波，其實係好正常嘅事。呢啲事情總會發生嘅，會喺我身上，都會喺其他人身上，我唔係好介意。我覺得佢（美斯）係世上最好嘅球員，足球就係咁，有時你會好樣衰。我作為一個後衛，呢件樣對我冇乜大影響嘅。」