MIRROR成員柳應廷（Jer）繼早前與Dear Jane及陳健安合作後，最近邀請了林二汶合唱《水刑物語》、《最後的信仰》及《無忘花》3首作品。就現場所見，Jer與二汶輪流唱和，有如暗中比試，其間Jer出動真假音交替接招，有些高音一度難到他，不過Jer未見氣餒，反覆試唱。

Jer表示在云云女歌手中請來林二汶合作，因一直視對方為學習對象，他說：「無論係at17年代，定係做和音，佢本身把聲超級靚，我都好想令到自己把聲有呢個層次。一路以嚟我都有好多學習對象，而二汶就係一個我會對佢嘅聲音鑽研嘅對象。」二汶即笑說：「要感謝Jer對我嘅鑽研，其實我都有呢個嗜好，男仔聲同女仔唔同，所以我都會研究對家，咁唱歌可以立體啲。」

二汶曾經擔任《全民造星2》評判，Jer坦言當時見到其他組別可以跟二汶合唱已心癢癢，所以今次抓緊合作機會。二汶則對Jer這數月間的進步讚不絕口：「《造星2》時佢唔係好想表現自己，但今次發現佢唱歌好多detail，大家可以慢慢去發掘。《水刑物語》我聽過但未唱過，今次夾得好開心。」

-----------------------------

App內1-Click訂閱《蘋果動新聞》
按此了解更多