【擔驚受怕】林曉峰禁兩子出街 程瑤為囝囝滯留蘇黎世嚇餐死
蘋果日報 2020/03/24 19:48
林曉峰程瑤武漢肺炎
林曉峰（阿Lo）日前接受程瑤網台訪問，提到防疫期間和家人的生活點滴，笑言都把兒子關起來防疫了。他和和太太康子妮育有兩子，16歲大仔林寶、15歲細仔林熙，由於學校仍未復課，而他的工作又因疫情影響被叫停，所以多了時間陪家人，他自言依然樂觀面對疫情，以前因忙於工作沒太多時間陪伴家人，現在很珍惜這段時光。阿Lo笑言為了家人健康着想，化身防疫大使︰「我將兩個仔關喺屋企，因為驚佢哋出街受感染。最近養咗隻狗，改名『林滔』，我當佢係第三個仔，呢段時間咪湊多個仔打發時間。」
另外，程瑤透露囝囝本在英國留學，之前因為驚疫情大爆發，故為他撲機票返港：「不過撲張機票都一波幾折，本來落實經芬蘭返香港，點知突然取消，之後再撲經曼谷返港商務位機票，以為問題解決。佢原本係先飛蘇黎世再轉飛泰國，然後轉機返港，但泰國嗰邊突然話要出示醫生證明，否則唔准上機，就係咁佢滯留咗喺蘇黎世機場30個鐘，身上冇咩錢又冇電話卡，擔心程度真係難以形容，好彩噚日終於成功返港，而家喺屋企家居隔離14日。」
林曉峰最近養了新寵物（IG圖片 ）
林曉峰接受程瑤訪問