擁有專業資格的工程師，薪高兼有社會地位，普遍被認為是優皮一族，但在網友肥標公司任職的工程師，竟然被要求負責清潔工作：「早排公司經理要求我哋啲工程師要負責埋自己部門嘅清潔，洗冷氣、吸塵……更離譜係要洗埋廁所。經理話工程師冇良心，睇住啲阿叔阿姐一把年紀幫你做。工程師啲嘢又唔會做少咗，啲project都要趕出嚟，得嗰三萬幾蚊個月人工，過份嗎？」

「你老闆想郁人」

dairy開玩笑說：「用幾萬元請你返嚟，叫你做啲濕碎嘢，你咪仲着數。」sw730認為要維護專業尊嚴：「咁請班阿姐返嚟做咩？」lhli指可能是僱主的縮皮奸計：「你老闆想郁人但又唔想開口。」Monster1211憤憤不平說：「我最憎呢啲性格嘅人（你上司），將不合理變為合理。」

http://www6.discuss.com.hk/viewthread.php?tid=7013669&extra=page%3D3

《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。
請附姓名、電話及電郵地址，電郵到：mailto:[email protected]