法庭判黃毓民上訴得直,民建聯蔣麗芸隨即於facebook發帖,斥假如在議事廳掟杯無罪,他日議會內必有更激進行為,「可預見日後議會杯碟橫飛,甚至伸延到掟飛鏢,甚至小李飛刀都唔出奇!」蔣麗芸又認為,立法會必須盡快加強議事規則罰則,約束破壞議會秩序的行為。
民主黨立法會議員林卓廷批評蔣對判決的評論「好冇常識」,「𠵱家係掟杯,唔係掟刀,(建制派)擺明係上綱上線」,又稱若真的有人在議事堂掟飛刀,「我唔覺得會甩(脫罪)得到」。林又提醒建制派細閱判詞,黃毓民上訴得直全因法官認為梁振英證供不可相信,而有關控罪又涉及令當事人恐慌,但當時梁神態自若,所以林卓廷相信,「任何人喺議事廳再做類似行為,如果林鄭真係驚,我睇唔到再甩嘅機會有幾大」。立法會秘書處回應裁決時稱,秘書處會一如以往維持場地秩序,確保會議暢順舉行。
■記者莫劍弦