爾冬陞早前在微博指控有演員不專業，矛頭直指彭于晏，爾冬陞的火爆性格早有迹可尋，據知2010年拍攝電影《鎗王之王》時，演出該片的杜汶澤同時要拍處境劇《女王辦公室》，有指該片監製方平在現場跟阿澤度期時，爾冬陞不滿爆粗發火大罵，事後傳出他跟方平及阿澤不和。
記者昨日向阿澤求證，他短訊回覆：「有關此人的任何事情，無論是否事實，我一概不作回應。」阿澤封嘴避談，也是當事人之一的方平昨在電話說：「當日小寶（爾冬陞）冇爆粗，做導演好大壓力，我早前喺內地執導度期，我都會發脾氣。其實呢行發火個個都會有，阿杜（杜琪峯）、陳可辛同徐克，邊個唔發火，見得多，認真對件事先發火。」

方平續說：「冇火氣嘅人唔可以做導演。」他又否認跟爾冬陞反面，他說：「男人嘢講完就算，我哋冇嘢，之前先喺橫店幫佢手拍《我是路人甲》，仲一齊食飯傾偈。」
採訪：望