當年今日
關於我們

消費BestBuy:
薯嘜想翻身半價變型人

蘋果日報 2002/11/25 08:00


變身後──板女Look
色邊冷帽(原價$180/開倉賣$50),螢光橙Gap尼龍衞衣(原價$340/開倉賣$100),撞Gap軍綠色軟料鬆身褲(原價$480/開倉賣$200),上下身都Sharp,鞋可穿Converse限量版白皮金章鞋(原價$680/開倉賣$150),出街孭個日本版Nike背囊(原價$480/開倉賣$180)。

變身要訣:
亞丁覺得貼身褲較難Carry,所以換條鬆身褲爽吓,讓下身看來較Slim,尼龍衞衣色水較棉質鮮豔,多洗亦不會殘;背囊另有藍拼灰的色系,男女合用。
變身後──型女Look
粉紅少女中袖印字Tee打底(原價$220/開倉賣$80),外披短身絲絨米白拉鏈外套(原價$280/開倉賣$120),刻意玩外露加強層次感,下身是低腰貼身牛記(原價$980/開倉賣$480),減價都要四百幾?日本名牌animalofairs嘛。下襯Converse拉鏈皮鞋(原價$680/開倉賣$380)。

變身要訣:
眼仔精精的亞丁是活潑型少女,粉紅Tee加短外套,感覺較跳脫,貼身褲是原宿少女標記,波鞋其實隨意都OK。
形象指導亞凡
求學期開始崇日,合指一算,都當了好幾十年忠實的日本Fans!亞凡抗議:「邊有咁老呀?」講笑啫,亞凡在六年前獻身日本水貨時裝生意,每月必到日本朝聖兩次,為免被客人隨手抽起一本雜誌問:「好多㗎仔着,點解你哋舖頭無呢款衫?」故此亞凡還要挑燈夜刨時裝雜誌,每月要揭幾十本中外及日本雜誌來溫故知新,對日本潮流不瞭如指掌,點搵食?
亞丁變身前
四眼中六生亞丁,慣常幫襯連鎖店,都知易跟人撞衫,但睇日本雜誌,型女衫動輒幾百,條褲賣成千蚊,波鞋又要七百幾,儲極零用錢都唔夠買一套。
亞丁變後感:睇番啲相,真係好唔同,原來人靠衣裝,係真嘅!雖然變身前後走出街行,都無乜人望,但着得有型些少,行出街都自信啲。我會買晒兩套衫,因為價錢算好合理,除咗條牛仔褲,太貴啦,唔捨得。
其他熱賣筍貨
繼續潮流冷帽
原價:$180至$220 開倉價:$60
在夏日豔陽高掛的日本街頭,㗎仔就是滿頭大汗,也冷帽照笠,秋天是名正言順的冷帽季節,絕對要日笠夜笠,但為求衞生乾淨起見,好趁開倉笠多幾頂替換。
襯乜都得圍巾
原價:$280 開倉價:$80
無論是橫間、淨色或織花的圍巾,都是100巴仙羊毛,彩色冷巾方便配搭,薄如衞衣,暖若皮褸,穩如棉襖,都可繞個彩色的羊毛圈,搶吓眼。
例牌校園衞衣
原價:$280 開倉價:$120
型人不一定下下都着得嘩眾取寵,一件棉質校園款衞衣,軟熟保暖,遇上氣溫驟降,圍條巾,戴頂帽,簡單實際,兼且唔老土;若衞衣顏色較深沉,不妨加條七彩頸巾,睇落去夠晒醒目。
多花臣運動褲
原價:$480 開倉價:$180至$200
身為型人,冇條寬鬆的運動褲傍身,又點得呢?但型人褲跟普通直筒褲有咩分別呢?當然係多些少花巧嘢啦,腰位鬆緊有啪鈕調校,褲腳闊窄由拉鏈負責,褲管側袋PatPat尾袋,統統是實用的心思設計。
軍褸款夾棉披
原價:$480 開倉價:$90
減得至勁的AFFA本地設計尼龍夾棉褸,褸身跣水,夾棉保暖,褸帽可收埋,腰位可束緊,加上上下都有袋,十足軍人Look,有型保暖。
着極唔Out板鞋
原價:$490 開倉價:$250
Simple所出的板鞋款式來去差不多,想說的是這個款式好襟興,加上一條長褲蓋上去,只見又平又厚的鞋底,二百幾蚊對,抵玩易襯。
Cutie小狗布袋
原價:$150 開倉價:$60
少女和小狗原來關係都幾密切,何解?一個Cutie的小狗卡其布側袋,把少女的可愛特性發揮得淋漓盡致,就算你是個可惡少女,只要隨身孭個小狗Face袋,當堂可愛洋溢。
掃貨小貼士
C字波鞋必掃
有心買鞋的記得出力掃幾對Converse走,事關減價鞋有十多款,每款又狠狠地割價幾百,無着開的,買對粗着都抵。拉鏈真皮波鞋,有棗紅和黑白三色任揀,另有同款布面設計,顏色較搶是橙和綠。若然認真想出位,着對彩虹鞋踩場,絕對無問題,彩虹布面有閃粉,焦點實係你啦。差點忘記提提大家,今次開倉的貨品全部來自日本,每款限量二、三十件,要買就趁手啦!
型人衫褲鞋開倉
查詢電話:23691628
地址:尖沙嘴嘉蘭圍5至11號利時商場14樓1404室
開倉日期及時間:11月25至27日,下午3時至晚上10時。
備註:不設試身,只收現金。