韓國綜藝節目《RunningMan》（RM）主持Gary星期二晚喺香港開騷，喺港逗留三日嘅Gary，今日下晝飛返韓國。中午時份，身穿豹紋外套、戴上黑照同反戴黑色鴨舌帽嘅Gary，同一班工作人員現身香港機場，近百名粉絲一早喺機場等候，見到Gary一出現就立即追上前，希望可以近距離接觸偶像。

由於現場粉絲數量太多，而且非常熱情，Gary同工作人員被堵塞喺離境大堂，場面混亂，期間除咗有粉絲因追星而跌倒外，更有小孩無辜被波及，被不受控制嘅粉絲群撞跌，而機場嘅工作人員見狀即立即上前幫忙同維持現場秩序。

《RM》一班主持人聽日下晝將飛抵香港，出席下晝4點嘅粉絲見面會記招，不過Gary同「國民MC」劉在石因為個人工作行程而未能出席。