爆相爆片丨74歲黃百鳴精力旺盛 夜蒲老蘭有美女相伴

蘋果日報 2020/12/25 20:39

蘭桂坊黃百鳴限聚令
    現年74歲黃百鳴月前被人在社交平台貼出船P爆肌照片，身形未因年紀大走樣，自然是日子有功勤力keep fit所致。原來黃百鳴除了身形keep得好，精力也不遜於後生仔，早前他趁政府放寬限聚條件的時候，在凌晨時分流連夜店，《蘋果》讀者任小姐透過「爆相爆片」，踢爆黃百鳴凌晨還在蘭桂坊夜蒲。
    當日接近凌晨12點，讀者任小姐在蘭桂坊一間酒吧發現黃百鳴有美相伴，任小姐說：「當時黃百鳴坐喺吧枱飲嘢，後尾至埋枱坐。我本身大約12點左右到，大約點幾鐘走都仲見到佢蒲緊，同枱有2、3個女仔，見唔到有其他人，不過啲女離枱多，成日行嚟行去，坐佢身邊有位長髮女仔，不停玩電話，好主動同黃百鳴傾偈，因為地方好嘈，每次個女仔都要湊個頭埋去耳邊，不過見到黃百鳴都係齋坐多，好正經，都唔見佢有飲酒。」
    對於有美相伴夜蒲蘭桂坊，黃百鳴回覆《蘋果》表示：「嗰晚有朋友生日，飯後應壽星邀請去蘭桂坊坐陣。」
    empty
    （讀者提供圖片）
    empty
    黃百鳴全程好正經齋坐。（讀者提供圖片）
    empty
    黃百鳴應朋友邀請出席生日派對。（讀者提供圖片）
    empty
    身邊女伴只顧玩電話。（讀者提供圖片）
    empty
    現場嘈雜，身邊女伴要挨近黃百鳴耳邊交談。（讀者提供圖片）
    -----------------------------
    《蘋果》英文版免費試睇：了解更多
    英文版已登錄《蘋果》App，立即下載/ 更新：iOS / Android
    -----------------------------
    支持蘋果深度報道，深入社區，踢爆權貴，即Like蘋果專題及調查組FB專頁！