趙世曾宣佈拍《趙世曾傳記》，應徵演員明星數十人，獎金更達100萬，趙世曾透露呢套戲成本會係大製作，製作費甚至過億，故事係圍繞趙世曾嘅奮鬥史、事業及感情生活，包括趙生平時做運動，人生多姿多采，尤其花邊新聞，一定會係電影有，佢仲話自己有一萬個女朋友，所以戲入面有十個女友做番係少不免。

《蘋果》搵咗趙生大女趙式芝查詢，佢表示唔知情公司登報拍電影一事，笑言如果有榮幸，爸爸出到聲，都唔介意參與演出，問到佢最想睇嗲哋人生邊一段故仔，佢話：「最有興趣係睇番佢喺英國大學時代生活、創業奮鬥史，佢70、80年代故事。」

提到父親感情事相當吸引，式芝笑言：「多謝咁多朋友捧場。」再問到心目中有咩演員可以演佢爸爸，趙式芝稱近年冇留意香港有咩藝人：「總之有天份、有氣質，係中國人就得，o依家內地都有好多好好演員，我贊成佢拍自己故事，都係一個好好娛樂，對佢自己，同對觀眾。」

精選娛聞，喺晒《娛果》
http://fb.com/appledailyent