【Mark哥定浩南】揸fit人鄭浩南轉行搞「地產」 以在港出生為榮

蘋果日報 2019/12/21 06:00

浩南Mark哥ViuTV地產仔

鄭浩南(Mark)在尖沙嘴出世,家就住尖沙嘴。搬過到美孚新邨,巴富街亦住上好一陣子,父親的貿易公司位於中環當年最高的康樂大廈(今怡和大廈) 。他對香港的情懷入骨入血自言正宗香港仔一名,亦可以好大聲同人講「我以在港出生為榮」。
近日Mark回港為ViuTV的劇集《地產仔》演出,飾演一名地產佬。不變的陽光氣息,亦由當年「無腳的雀仔」到如今在馬來西亞落葉歸根。Mark在尖沙嘴一酒店接受訪問,每次返回港,都會擇這間位於麼地道的酒店︰「我喺後面金馬倫道出世,屋企就喺百樂酒店對面。」如數家珍連電話號碼都記憶無誤,他樂此不疲說︰「每次同仔女返香港,除咗一定要去迪士尼玩之外,我都會同佢哋講:『嗱,呢度就係阿爸出世嘅地方,阿爺間公司就喺康樂大廈七樓全層⋯⋯』」
Mark自言02年在大馬拍戲認識了現今太太Ailyn,之後開始淡出娛樂圈,當年冇腳的雀仔,如今在當地落地生根。婚後育有1子1女,大女喜文(Jade)15歲、兒子理文(Jacob)7歲,遺傳父親的陽光與外向,兩姊弟都非常陽光。Mark跟太太都各自有事業,拍戲只是玩票性質。在不同地方生活過,但最掛念的仍是出生地香港︰「一個唔係自己出世嘅地方經常出入,嗰個感覺係冇親切感。總之你離開一個地方(香港),而呢個地方,你以前最多朋友、你最喜歡嘅、你以前所發生嘅一切都係從呢度開始,呢個地方對你嚟講好重要。但冇辦法,大勢所趨時代改變,有啲事我哋唔能夠改變。」他明言當年決定走是一個很難的決定,但就對出世地方依然念念不忘。

有朋友同他講:「Mark,你去馬來西亞咪幾好,可以攞佢哋護照。」Mark說︰「我唔會攞大馬護照,就算畀我都唔要。我自己香港有,點解要?我仲有加拿大護照。我話呢個國家唔及我哋出世嘅地方(香港)好,呢個國家唔及加拿大護照去其他地方咁方便,I would be proud of my life to be born in Hong Kong。」他跟很多香港人一樣,對這裏有一份解不開的情意結,對逆權運動大家上街遊行表示理解,他說︰「叫吓口號,大家都有理想,大家都有希望,大家都有感覺或者目標。或者咁講,有一間餐廳以前可以食煙嘅,而家轉咗手,換咗個老闆新老闆唔畀食煙。如果要食嘅話,對唔住嘞,轉過另外一間餐廳。」Mark話選擇題很簡單,要不留在餐廳放棄食煙又或者可以揀離開,沒有難堪,各取所需。
當年拍過《98古惑仔:龍爭虎鬥》戲中飾演司徒浩南,跟鄭伊健演的陳浩南爭做銅鑼灣揸fit人,他亦是《英雄本色》中Mark哥的原型。俱往矣,已是兩位小朋友的父親,爭雄鬥勝心不復當年。他慶幸子女對香港的感覺不錯,但家還是他們的出生地大馬,他笑說︰「兩個都係outdoor友,要大啲活動空間。佢哋有去返我細路仔生活嘅地方行,最鍾意去迪士尼,返嚟十年去咗30幾次。香港交通工具除咗纜車,都坐過晒。」不過隨着小朋友長大,Mark已經開始接受子女話「我唔想去,就算要去,都唔會同爸爸去」的習慣。太太兩次都是剖腹產子,他每次都有入產房侍產,每次都可以用「驚到震」來形容︰「兩次都有拍片,事後睇返我隻手不停震,好多血好驚,仲要剪臍帶,仲更加震。我唔鍾意屋企人瞓喺病床,當然知道呢個係生產過程。」他笑言因為太驚,所以原本諗住多生幾個,最後亦決定打住。
採訪︰何永寧
攝影︰林賓尼
錄影︰葉君海
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
(攝影︰林賓尼)
empty
Mark對出生地香港有一份情意結。(攝影︰林賓尼)
empty
每次返港都會下榻尖沙嘴的酒店。(攝影︰林賓尼)
empty
在他出生的尖沙嘴做訪問。(攝影︰林賓尼)
empty
一家4口到日本旅遊。(網上圖片)
empty
Mark跟太太Ailyn恩愛非常。(網上圖片)
empty
(網上圖片)
empty
細仔Jacob似足Mark。(被訪者提供圖片)
empty
Mark跟囡囡都喜歡戶外運動。(網上圖片)
empty
Jade繼承父親的運動細胞。(網上圖片)
empty
大女Jade已經15歲。(網上圖片)
empty
年過50的Mark仍保持健碩身型。(網上圖片)
empty
跟大馬羽毛球王李宗偉合照。(網上圖片)