香港馬場現在有「全日空」這個專用潮語，意思是指個別騎、練，在個別賽事天空日睇跑馬，強如雷神今季也曾做過「全日空」代表，剛剛就連蔡約翰也榜上有名，上次日馬只有「八心之友」跑到一個落後頭馬成條街的第二，而「五星特工」、「架勢」以及「精算風暴」挾上仗贏馬強勢而來，今勻竟全部拉士騎落一滴都冇！

不過，馬場有「全日空」的存在，同時間也有「全日開飯」這回事，新近有潘頓停賽前贏夠五場，而上周三（21日）方嘉柏原本開定枱，頭場先爆「糖黐豆」，可惜打後跑了三個第二未竟全功，但當中除「自由旺」新近跑入三甲外，餘下三駒上場均輸到無影，可以全晚一齊「翻生」，是否純屬巧合，大家不妨諗諗！所以，要在香港馬場做到投注趨吉避凶，還是賭臨場上策得多。

麥菲文明晚（28日）出馬四匹，當中「珍珠旺」、「好吉利」以及「飛霸龍」上仗非冠即亞，睇牌面有「全日開飯」潛力。翻查三月份麥廐共有九匹10倍以下有飛馬，交出兩冠兩亞。

當中第四場「好吉利」歷來兩場頭馬均為谷草1200，雖然是三班賽，但均交出了一個二班同程贏馬表現指數。以剛戰被「好吉利」技術擊倒的季軍「上海大師」再出落飛下輕勝，「好吉利」今次升班負輕磅，夠連捷有餘。

至於第七場「飛霸龍」出自香港其中一個最擅谷草的血統O'Reilly，兩次試谷閘走勢譽滿欄邊，今次升班轉場以尋找較弱對手，爭勝決心昭然若揭，值得捧場。