前電台節目主持梁安琪（Angel)同張佳添噚晚喺火炭宣傳新歌《活出生命》，Angel話下半年會推出有4首歌嘅EP，而佢同張佳添就係相認十幾年嘅好朋友，當年喺亞視認識，而首歌就係張佳添喺2011年寫嘅，張佳添話：「嗰時睇到好多自殺新聞，所以寫咗呢首歌，希望大家唔好輕生，寫完之後一直無錄，因為Angel好鍾意呢首歌，所以正式灌錄。」Angel就話：「有人話用生命影響生命，我喺音樂人，希望用音樂影響生命。」

佢哋仲話希望將《活出生命》作為一系列作品推出，下年暑期會推出舞台劇，仲想開拍電影。Angel話：「想做到破舊立新，多啲創意大家多啲嘢睇，O依家物色緊音樂總監同導演。至於故事就會喺網上招募，假如有失戀、失業嘅失意故事，絕望嘅經歷，都可以同我分享，想用嚟做舞台劇故事藍本。」

精選娛聞，喺晒《娛果》
http://fb.com/appledailyent