【身體很誠實】于曉光孖秋瓷炫影雜誌相 隻手放喺...
秋瓷炫于曉光
現年38歲嘅韓劇《OH!必勝奉順英》女星秋瓷炫,同36歲大陸男星于曉光於今年1月結婚,佢哋夫妻檔出演韓國綜藝節目《同床異夢2-你是我的命運》大受觀眾歡迎,于曉光仲成功打入韓國市場,噚日韓媒就指于曉光會做跟得老公,簽約老婆間事務所,兩人又夫妻再成為同事。
不過網民就對于曉光進軍韓國就唔支持,特別係韓國網民,覺得現時大陸實施禁韓令,韓國藝人唔可以到大陸搵銀,所以佢哋都覺得大陸藝人亦唔應該到韓國來搵銀。
另外,秋瓷炫同于曉光近日為雜誌拍照,當中兩人奉旨晒恩愛,不過其中一張相就可見兩人喺床上溫馨拍照,但于曉光嘅手就不自覺咁放喺老婆嘅胸前,唔少網民都留言笑于曉光身體好誠實。