英國樂壇才子Ed Sheeran近日驚爆於倫敦踩單車時不幸發生意外，未知會唔會影響到佢包括香港一站嘅亞洲巡迴演出，另一方面，荷李活男星謝拉畢拿（Gerard Butler）亦被爆駕電單車時遇上交通意外，幸好未有大礙。

47歲男星謝拉畢拿被指日前喺洛杉磯發生交通意外，據娛樂網站《tmz》報道，謝拉係駕電單車時遇到一輛突然切線嘅車輛造成意外，隨即被送到附近醫院治療，幸好佢只係輕微擦傷，未有骨折。其發言人亦透露這宗意外是於約一星期前發生，謝拉並沒有大礙。

現時謝拉正忙於宣傳新片《人造天劫》（Geostorm），佢未有因意外暫停宣傳工作，更頻頻更新社交網站，噚晚佢就喺Ig上載乘坐私人飛機的照片，仲留言：「稍後在紐約見，我非常愛你。」公開近況告知粉絲佢身體無恙。