「高登沉沒，數千網上難民求救……」大件事！正當紐約「九一一」事件五周年之際，本港其中一個最受歡迎的高登討論區受到襲擊，慘被「炸版」至癱瘓三日，導致數以萬計高登迷在網上顛沛流離。
「今次究竟搞邊科？」部份近日無法登入高登討論區的網友滿腹狐疑，「中六仔」擔憂地說：「真golden（高登英文名）會唔會長死呢？」網友「陰陰濕濕」則回應稱：「admin（管理員）仲要維護正義㗎，點可以咁易俾高登死！」

轉移瀏覽「假高登」

「入侵者」將高登的網頁設計照搬到另一網址（hkgodone.no-ip.info），以高登的姿態出現。正當「真高登」全日沒有新發文章，「假高登」則以極慢的速度運作，但保留了「真高登」15個台中的三個，包括最受歡迎的重點「吹水台」、「硬件台」及「電台」，網友則被迫轉移到「假高登」瀏覽。
高登一名負責人昨午說：「梗係俾人炸咗啦！上個星期五有條友發現咗網頁漏洞，模擬人哋個account（戶口）不斷咁post（上載）啲鹹濕嘢上個網度。搞到成個高登討論區癱瘓到𠵱家，修復工作差唔多完成㗎啦。」
他續稱，入侵者不止一人，受害的討論區也不止高登：「今日啲用戶不斷咁打電話嚟，半日就有成三、四十個電話，簡直黐咗線，不過解釋畀啲用戶聽之後，佢哋都好合作，事關佢哋都唔想自己嘅資料外洩。」高登其中一名管理員稱，估計最遲今日內就會重開高登論壇，希望網友耐心等待。