福無重至禍不單行，曼聯周三喺英聯盃八強爆冷輸咗畀英冠球隊布里斯托城出局，佢哋之後想搭飛機翻去曼徹斯特，但班機就因為大霧取消咗，成班人就要改用陸路返歸。原本搭飛機返曼市只係頂多要50分鐘，但依家搭車就要3個半鐘，足足用多咗近三粒鐘！

查實紅魔去布里斯托嗰陣已經有阻滯，佢哋班機正正係因為大霧唔能夠喺目的地降落，最終逼降威爾斯嘅卡迪夫。紅魔班人去咗卡迪夫之後，又要再轉車去布里斯托，又用多咗一粒鐘。有紅魔粉絲就話係咪舟車勞頓搞到爆冷輸波，但紅魔都好均真冇懶地硬，話兩者完全唔關事。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM