大熱日劇《逃跑雖可恥但有用》去年底掀起熱潮，帶挈男女主角星野源、新垣結衣齊創事業高峰。

對於星野源嘅緋聞女友二階堂富美近日被爆暗撻前男模米倉強太，更發展半同居關係，36歲嘅星野源方面似乎以事業為重。唱而優則演嘅星野源忽成大紅人，今日佢為聲演動畫亮相電視節目宣傳時，星野源透過錄影談到自己嘅戴綠帽往事。星野源自爆於大約20歲嗰陣，終於有一個認真拍拖嘅女朋友，不過交往一年半後發現彼此再冇火花，當決定分手時，對方竟喊住話唔想分開，仲向星野源承認出軌，於分手前一個星期同另一異性咀嘴，女方話：「雖然係咁，但我仍然很深愛小源你的！」星野源當時聽完更加無奈，當然令佢更立定決心斬纜。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。