台灣天后蔡依林（Jolin）今日推出新碟《UGLY BEAUTY》，佢今日坐住為宣傳而造嘅「怪美屋行動車」到台北西門町造勢，呢架車上面仲有貼紙相機，Jolin更即席示範點用。呢架車將會喺今明後3日，分別喺台北、台中同高雄駐點，fans可以睇住日子潮聖。

Jolin話，學識咗接受自己嘅陰暗面，當情緒唔好、無法承受時，會好似普通人咁樣爆粗宣洩，「有些東西自己消化，現在遇到很受不了的，會罵出來，是種能量的轉換。」被問到係公開爆粗定私下爆，Jolin笑言：「建議還是私下關起門來捶枕頭、大罵垃圾桶。」

而Jolin今日喺活動上亦提到，呢一、兩年培養咗寫日記嘅習慣，目前已經寫咗5、6本，但就放喺屋企唔敢畀人睇，佢話：「因為裏面有很多自己的東西、很多私密，書寫很容易抓情緒。」Jolin亦不諱言，識邊邊寫邊喊，但佢話唔係因為傷心而喊，「有時候是一種感動，遇見了內在最脆弱的時候，反而感覺到好多的愛。」咁情傷時係咪都會寫呢？Jolin話：「如果是讓我一直卡住的議題，會問自己的感受，也許情傷不是傷。」

生於處女座嘅Jolin，係個完美主義者，佢自嘲以前活得不像人，令自己身心俱疲，「覺得追求完美是個Bullshxt（廢話）， 這追求不完啊！」佢話自己長年處於高壓工作狀態，加埋本身性格，所以經常會要求自己更完美，不過佢話o依家學識同自己講：「好了，妳已經做夠了。」

精選娛聞，喺晒《娛果》
http://fb.com/appledailyent