皇家馬德里前鋒艾華路莫拉達，好大機會今夏轉投曼聯，佢之前就語帶雙關咁講，下季會繼續同占士洛迪古斯（J-Rod）做隊友，大家都以為曼聯會買埋呢個哥倫比亞中場，不過雜誌《法國足球》就唱反調，話J-Rod好大機會去巴黎聖日耳門（PSG）。

J-Rod歐聯決賽連大軍名單都有份，真係心都淡，今夏離開皇馬勢在必行，以佢只不過25歲仔，仲大把世界，曼聯、車路士等英超球隊外，連PSG都想簽佢。《法國足球》就話，PSG嘅南美幫眾多，好似卡雲尼、迪馬利亞等，而且巴黎嘅生活環境亦都比曼市好，J-Rod好大機會唔去英超而去反法，據報皇馬只要有球隊開出6千萬歐元（約5.3億港元）轉會費，就可以帶走J-Rod。