今日亞姐決賽，賽前焦點不在一眾佳麗身上，反而落在即將上任亞視副總裁的林文龍身上。林文龍走馬上任，更為老婆郭可盈重返香港電視圈鋪路，今晚郭可盈以大會主評審的身份，帶同即將10歲的囡囡林天若（Tania）睇騷。

郭可盈有約十年時間好少在公仔箱出現，她說：「如果電視真係呢十年都好少，有時會出席活動，今日呢個盛事都要支持。」她說要支持老公，老公新官上任，會否拍劇支持？她就未有答應：「睇吓時機啦，我同阿女感情太深厚，佢想我多啲時間陪佢。」如有合適的劇本、角色可以考慮。

郭可盈1993年參加香港小姐可惜三甲不入，今日她會以美貌智慧、口才、性格、臨場發揮作為評審準則，又形容如今選美挑選好大：「而家真係好唔簡單，我記得當年多咗個演藝潛質環節，頭先開完會，今屆除咗揀新人或者選美之外，仲要有好多方面條件，挑選好大。」

至於林文龍下月會出任副總裁，受訪時他透露仍未決定正式上任日期，亦未行勻整間公司，但私底下已經有好多工作處理中。至於今日亞姐咁大件事，林文龍亦未有帶老婆參觀亞視，郭可盈第一次入亞視，她讚：「好靚好有規模。」

採訪：黃曉妍
攝影：陳俊強
攝錄：林嘉銘
-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇