噚日傍晚，王維基於微博發表一篇題為「我們的感情和希望」文章，回應關於無綫封殺曾批評TVB之舊部回巢一事，當中提到「如果兩年前我早知發牌的進展會如此迂迴曲折、不可思議，我一定不會叫任何一位同事轉工。」、「我們的台前幕後每一位同事能夠聚在一起，是因為大家心中的一團火；願意冒險一試，是對電視媒體的感情和希望。」並未灰心，但很無奈。

同一晚，王維基與旗下藝人唐寧到西灣河文娛中心欣賞舞台劇《油脂》，問佢係有藝人約滿？王維基話:「第一批藝員係10月簽約，簽兩年，都差唔多喇，好多都要傾續約。」

聽講好多由無綫跳糟過嚟嘅藝員因為遲遲未獲發牌，故心思思想回巢，問王維基有邊個會簽續約？佢就話:「唔知，但大部份都會留低，當然總會有人離開，離開原因可能係佢唔適合我哋，又或者香港電視唔啱佢。」至於可有聽聞有人想返TVB？王維基一貫其魔童本色，大口氣謂:「暫時一個都冇聽過！」

問魔童點樣留住一眾藝人？佢話:「睇番同事表現而著量加(人工)啦。我都覺得香港電視未有牌、作品出唔到街，藝人冇咩曝光率係好慘，我都預料唔到，我都覺得唔好意思。」

記者再追問王維基可知仲有邊啲黑名單(狠批無綫嗰啲)，係咪值得嘉許時，佢笑笑口話:「私隱呢啲嘢，唔講得0架喎，好多人都唔願意返去。總之台前幕後都做得好開心，係一個快樂源地!」

撐發牌！