惡法當前香港人要企出來，經歷昨日上演第二次雨傘革命，警方將示威定性為暴亂，除催淚彈外更出動可致傷亡的布袋彈、橡膠子彈對付手無寸鐵的示威者，導致72人受傷。暴行令不少沒有參與示威的群眾，亦身同感受。

演出過大台劇《潛行狙擊》的石天欣，今日凌晨在facebook寫「我的日記」，她在600多字的日記中，提到今趟「反修訂」示威，令她想起5年前的傘運。不過最令她感觸的是「但當你發現有啲人喺呢啲時候，仲放緊自己吃喝玩樂嘅post。我自己，就覺得心寒一寒。到底佢諗緊乜嘢，定佢唔用腦去諗嘢，定……我都唔知佢做乜X嘢。」石天欣提到不少人害怕秋後算賬，警察亦不再是保護市民的公僕「喺呢個年代，我哋害怕被秋後算賬，而今時今日嘅警察再唔係保護市民，我曾經喺網上面見過一句留言，話點解我哋納嘅稅，係幫助佢哋買更多嘅武器，去傷害我哋？不過而家問10萬個為甚麼，都唔會有人答到。因為喺香港有好多嘢，好多事情，已經係正常嘅唔正常。」

曾參與ViuTv節目《美選D.n.A》的趙詠瑤，亦因為昨日警察暴力清場，在FB有感而發，道出不少港人心聲「係我眼淺……我睇完真的哭了……我哋香港人要反嘅唔係警察，但點解要做呢啲嘢去激怒香港人？如果百萬人和平遊行係有用，會有今日嘅事嗎？個啲支持修例嘅用吓腦啦好冇呀！？你哋唔識醒嘅都唔好再雪上加霜啦！FB唔係中國人用㗎，你哋支持嘅去微博講冇人會理你㗎！去投靠呢啲外國勢力做乜啫？」

【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9