【香港書展2018】
書展昨日繼續在灣仔會展舉行，蘇永康與林盛斌分別帶了萌爆囝囝現身書展，卓韻芝就為新書《峰迴路轉》舉行分享會，她表示考慮以未婚夫梁子賢為寫作靈感：「都有諗吓會寫佢，有啲嘢唔知可唔可以公開寫，因為婚訊關係，前前前度噚日打嚟表達醋意，我聽完就梗係覺得好開心，都有將呢件事問番未婚夫介唔介意，佢回覆係『你可以講任何嘢』，呢個答案真係好高分。」
葉念琛昨日在兒童天地講故事，提到他御用「阿寶」鄧麗欣（Stephy）與「王子」邱勝翊拍拖，他表示：「冇特別恭喜喎，唔係好驚訝，如果突然恭喜人，不如見到面先恭喜啦。」葉念琛就大讚王子與Stephy靚仔靚女，問到會否找二人合作拍戲，他表示：「𠵱家唔搞呢啲住喇，不過王子可以合作吓，安排乜角色就未諗到。」

年初接受切除腦腫瘤手術的前有線主持劉家聰前來撐葉家寶出書，他精神不錯：「經過三十次電療，加開腦手術之後，𠵱家已經痊癒。我啲頭髮生番晒出嚟，之前因為病所以辭咗職，希望盡快搵到工作。」
採訪：王連連、卓寶花
攝影：葉君海