日本男星小栗旬主演嘅真人版電影《銀魂》於當地叫好叫座，開畫後票房驕人，上映半個月已達150萬觀眾入場，仲火速破20億日圓（1.4億港元）票房，而《銀魂》在港上映後仲會登陸中國。

《銀魂》由小栗旬、菅田將暉、橋本環奈、堂本剛、長澤正美、岡田將生、柳樂優彌、吉澤亮、菜菜緒等紅星合演，雖然眾星未有機會來港配合宣傳，但導演福田雄一同埋小栗旬就特地越洋拍短片同本地fans打招呼，福田導演仲幽默咁話：「聽說華納方面表示，《銀魂》若能在香港大賣，便考慮開拍續集。」傍邊嘅小栗旬即鬼馬地瞪大對眼。

為答謝港迷支持，香港方面今日會喺德福MCL及奧海城the sky舉行「喧嘩應援場」，同時亦於六間戲劇搞七場「特別感謝場」，到時每位入場觀眾都可獲贈禮品、海報及文件夾。