李嘉誠旗下維港投資（Horizons Ventures）投資嘅「植物肉」公司Impossible Foods本月正式進軍香港3個餐廳品牌，華華應邀到其中一間銷售餐廳試食兩款素肉產品。同場見到超人紅顏知己兼維港投資負責人周凱旋，佢仲爆料話，「李生食咗兩年，最鍾意食牛肉腸粉」。

記者試漢堡扒　一咬就碎

而佢自己亦有嘗試用唔同方式烹調，有親自下廚為誠哥包「素牛餃子」，噚日亦有帶一盤送畀其中一間銷售餐廳Happy Paradise主廚，更笑言下次有機會親自包餃子予華華試食。
同場仲有周凱旋好姊妹俞琤及張培薇，華華試食兩款素肉產品，外觀同味道果然跟真牛肉相近，惟入口明顯係一粒粒肉碎，跟真肉嘅口感仍有差別。其中素牛肉漢堡以中式饅頭包裹素漢堡，配以黑椒汁、鹹檸檬昆布沙律及腐乳醬，外軟內脆，較一般快餐店的漢堡美味，不過漢堡扒一咬就碎，口感跟真牛肉造的漢堡扒明顯有差別。
兩款素牛肉食品較一般真牛肉貴，素漢堡售價為118元，而菜圃素肉餅則88元。不過，據知素牛肉的營養價值更高，蛋白質含量較真牛肉高20%，而且零膽固醇。

李華華
mailto:[email protected]