【人肉路障】事主斥一哥懶惰亂告一通 促承認責任兼賠償
盧偉聰人肉路障
今年2月警方在粉嶺公路追截涉嫌違例車輛時,截停市民車輛作路障,導致兩死多傷,警方更向做「人肉路障」的私家車司機發擬控告通知書,警務處處長盧偉聰昨稱這是一貫既定程序,不代表警方已有決定。協助事件中3名車主的立法會議員涂謹申批評警方管理層冷血無情,其中一名車主黃先生用文字回應提問時,直斥懶惰,所謂「一貫程序」即有殺錯無放過,「警方查都唔查就亂告一通,好似有人在街上畀個賊仆頭搶錢,警方唔係請(被)仆到-頭血嗰位苦主協助調查而係連佢都(擬控告),仲同苦主講係一貫程序」。
黃先生表示,收到警方發出的擬檢控通知書時,覺得有啲好笑,笑警方查都唔查就亂告-通.好似有人在街上比個賊仆頭搶錢,警方唔係請仆到-頭血個位苦主協助調查而係連佢都(擬控告)仲同苦主講係一貫程序,我覺得佢哋係懶同警方一貫程序係有殺錯無放過」。
黃明言,盧偉聰昨解畫後,並無釋除其疑慮,更對此極之反感,「因為警察喺我心目中係維持正義同會公正執法,佢作為警方最高層都係話係一貫程序查都唔查就(擬控告)我,佢應該係最懶果個喇」。
黃當日是按警方指示停車,但最終有可能被檢椌,他稱覺得冤枉,但檢控與否非其可控制,唯有見步行步,「最初意外發生後警方好快到我office落口供同攞有關修理費用同其他單據,但之後不了了之,無傾過賠償同通知進度」。
黃指暫時無發覺身體狀況有問題,車輛經公證行證實已「total loss」,連同其他損失大約20萬元,如果再買車的話,保險方面因為無保險公司接受投保,暫時無法計算。他希望警方清楚交代今次事件,承認責任及說明日後同類事件處理手法,「最後係賠償」。
《蘋果》沙士15周年系列網站,正式登場:
https://hk.feature.appledaily.com/sars15/