當年今日
關於我們

【短片】黃光亮老友佛學博士馬主做過拳手

蘋果日報 2014/09/23 06:00

黃光亮老友佛學博士馬主做過拳手

呢期第六場隻「搖錢樹」,馬主更富裕團體成員中,除咗大家熟悉嘅食肆老闆「幟哥」黃永幟外,仲有一位郭兆明(唔係莎莎老闆郭少明)亦大有來頭。
郭兆明都可以話係傳奇人物,做過拳手、汽車維修,之後做生意發迹,自言中過幾次巨額三T,據知亦識得醫術。家陣年約70,但睇落得五十幾歲,佢曾將古董車51年嘅開篷咪拿(MORRISMINOR)攞出嚟慈善拍賣。除咗呢啲經歴,郭兆明仲係斯里蘭卡佛學博士,2010年五區議員總辭,佢又參加過立法會補選,近年則活躍於網台論政。
好嘞,講番賽馬,「搖錢樹」上季曾喺草地大長途跑第三,當時狀態麻麻都有咁嘅表現,可見質素唔差。呢匹馬上周三季內初出,當晚郭兆明帶同藝人老友黃光亮一齊入場,明顯有意搏殺,可惜愛駒排最外檔形勢太差,但結果只輸唔夠四馬位,睇嚟已經試準。相隔一周匆匆又跑,由薛寶力換上更高級數嘅冠軍騎師潘頓,隻馬本身喺外國兩勝膠沙地1600米,今次繼續跑性質類似嘅沙田泥地一哩,郭兆明同幟哥分分鐘可以拉頭馬!